ہر سمت نظر آئے جمال تیرا
ہر شے میں ظاہر ہے کمال تیرا
کس کس صنعت کی تعریف کروں
ہر صورت لاجواب، ہنرہے بے مثال تیرا
کسی نام سے بھی پکاروں تجھ کو
جس صفت سے، جس نام سے پکاروں تجھ کو
رب کہوں، رحمٰن کہوں یا رحیم کہوں
ہے جلوہ گر جمال تیرا جلال تیرا
خود تجھ سے مانگا ہے حضور ﷺ نے
رَبِّ اَعنِّی علٰی ذکرِکَ و شکرِک
تعریف کا پھر تیری حق ادا ہوتو کیسے
یہ تو بس کرم ہے اے ذوالجلال تیرا
تیرے ہی تذکرے ہر وقت کروں
کہ روشنی ہے اسی سے زندگانی میں
تو ہی ہے قندیل حیاۃ تو ہی ہے راہنما
اس فقیر پہ ہے احسان لایزال تیرا
تجھ ہی کو پکاروں اور لو لگاؤں
تیری ہی طرف ہر کسی کو بلاؤں
سنت اسی کی پہ میں بھی چلوں
جو کہ محبوب ہے باکمال تیرا
کسی بھی سمت جھکوں یا سجدہ کروں
محبت تیرے غیر کی مجھے جھکا نہ پائے
تیرا ہی بن کے ہمیشہ میں رہوں
ہر دم چھایا رہے مجھ پہ خیال تیرا
تیری ہی مدد اور توفیق سے
اپنی عاجزی و بیکسی کے اظہار میں
کہے ہیں چند الفاظ سعیدؔ نے
کہ بن جائے بندہ با امتثال تیرا
کوئی تبصرے نہیں:
ایک تبصرہ شائع کریں