زندگی بے بندگی شرمندگی
قوت حیات ہے، نموہے، اسی میں زندگی ہے
عجز ہے، ماننا ہے، اسی میں بندگی ہے
جھکالیا خودکو حکم کے آگے تونے توکیا خوب
ماسوا اس کے جو ہے بس شرمندگی ہے
جنم ہے ، جان ہے اور جوانی ہے
بس اسی کی ساری یہ مختصر کہانی ہے
اس کہانی کو نبھالیا تونے تو کیا خوب
ماسوا اس کے جو ہے بس شرمندگی ہے
مختصر جوانی، ہے اسی کی کہانی ، پھر بڑھاپا ہے
اسی مختصر کہانی میں بہترین عمل کا چھاپا ہے
عمل سے بنالی جو زندگی تونے تو کیا خوب
ماسوا اس کے جو ہے بس شرمندگی ہے
جوانی کا زمانہ مختصر، گویا وقت عمل بھی ہے مختصر
تجھ سے جو ہو سکے وہ مختصر نیکی بھی کر گذر
کاسہء عمل بھر جو لیا تو نے تو کیا خوب
ماسوا اس کے جو ہے بس شرمندگی ہے
قوت ہے، قوت عمل ہے، جو ہے جوانی میں ہے
رنگ جو بھرناہے بھرلے سارا اسی کہانی میں ہے
نیکی کے رنگ سے رنگ لیا تونے تو کیا خوب
ماسوا اس کے جو ہے بس شرمندگی ہے
خدمت ہے، جذبہ ہے ، خلق خدا ہے
خدمت ہی سے راضی ہوتا خدا ہے
راضی کرلیا خدا کو تونے تو کیا خوب
ماسوا اس کے جو ہے بس شرمندگی ہے
عمل ہے ، کرامت ہے، ہے بزرگی اسی میں
کرلے خدمت خلق خدا، ہے بندگی اسی میں
عمل کرکے لیا کما تونے تو کیا خوب
ماسوا اس کے جو ہے بس شرمندگی ہے
وہ سب کر گذر جو کرے سرخرو تجھےخدا کے سامنے
روز قیامت سوال کرے تجھ سے خود آ کے سامنے
کرلیا سرخرو اپنے آپ کو تونے تو کیا خوب
ماسوا اس کے جو ہے بس شرمندگی ہے
جوانی گذر گئی، عمل نہ کمایا، کہولت ہے چھائی
جو تھا وقت عمل کا اس سے سہولت نہ اٹھائی
جوانی کو گر قیمتی بنا لیا تونے تو کیا خوب
ماسوا اس کے جو ہے بس شرمندگی ہے
بڑھاپے میں ہو سکے گا کیا تجھ سے
جوانی میں جو بوجھ اٹھ نہ سکا تجھ سے
جوانی میں جو لیا کما تونے تو کیا خوب
ماسوا اس کے جو ہے بس شرمندگی ہے
موت ہے ، قبر ہے، مرنے کے بعد کی خبر ہے
مرنے کے بعد کیا گذرے گی، اس کا کچھ اثر ہے
بچا لیا خود کوسوال وجواب سے تونے تو کیاخوب
ماسوا اس کے جو ہے بس شرمندگی ہے
محشرہے، سورج ہے ، گویا کڑکتی دھوپ ہے
ملا جسے عرش کا سایہ قسمت کیا اسکی خوب ہے
پا لیا وہ ٹھنڈا سایہ جو تونے تو کیا خوب
ماسوا اس کے جو ہے بس شرمندگی ہے
کچھ وقت ہے باقی، قیمتی بنا اس کو اے خاکی
حاصل کرلے ماسوا سے تو خوب کرکے پاکی
ماسوا سے کرلیا خود کو پاک تونے تو کیا خوب
ماسوا اس کے جو ہے بس شرمندگی ہے
اے سعیدؔ زندگی کے سبھی حصوں پہ نظر کر
ملے جو بھی کمی اسے دل وجان سے دور کر
کمیوں سے پالیا جو چھٹکارا تونے توکِیا خوب
ماسوا اس کے جو ہے بس شرمندگی ہے
کوئی تبصرے نہیں:
ایک تبصرہ شائع کریں