کمال اے تیری قدرت خدایا
کمال اے تیری قدرت خدایا
بندہ بندے دا دارو بنایا
کڈھ کے ایہنوں جنت وچوں
لیاہ اس دنیا اُتے وسایا
نِکے امتحان دے نتیجے پچھوں
وڈے امتحان وچ چا پایا
جنہاں مَن کے تیر ی زندگی گذاری
اونہاں بدلہ چنگا اے پایا
ربا خیر رکھیں اپنے پیاریاں دی
جنہاں سانوں سدھی راہ تے لایا
آپ وی صراطِ مستقیم دے مسافر
دکھ اساں کمینیاں دا وی اُٹھایا
ربا ایمان والیاں دی خیر ہووے
جنہاں دےِ سراں تے ہے تیرا سایہ
ہوجان گیاں ستے ای خیراں سعید دیاں
جے تُو اوہنوں پلصراط جا لنگھایا
کوئی تبصرے نہیں:
ایک تبصرہ شائع کریں