تمنا ء معافی
منجی اساں ہن سر تے چا لئی اے
بوہے سرکار دے تے ڈاہ لئی اے
بن کجھ ملیاں چُنڈ چھڈنی نئین
وے درباناں راہ ساڈی نوں چھڈ دئیں
اساں اج کجھ منگن پاروں آئے آں
سدے تے سرکار دے اسان آئے آں
بن معافی ملیاں چُنڈ چھڈنی نئین
وے درباناں جاہ ساڈی نوں چھڈ دئیں
اس دربار نال ساڈا یارانہ اے
تے یارانہ وی بڑا ای پرانا اے
کریے غلطیاں ملدیاں معافیاں نے
وے درباناں آہ ساڈی نوں چھڈ دئیں
معافی دا سیزن لگیا ہو یا اے
بڑا کجھ غلط اساں بویا اے
ہن بھار چاون توں ہوئے عاری آں
وے درباناں کراہ ساڈی نوں چھڈ دئیں
ہتھ اساں سر تے رکھی بیٹھے آں
نظراں سرکار تے رکھی بیٹھے آں
معافی ملن دی امید سانوں پوری اے
وے سعید دعا ساڈی نوں چھڈ دئیں
٭(دوسرے عشرہ رمضان المبارک کے آخر میں)
٭( چھڈ بمعنٰی جانے)
کوئی تبصرے نہیں:
ایک تبصرہ شائع کریں